ଇଫତାର ପାର୍ଟି କାହିଁକି ଦିଅନ୍ତି ନାହିଁ ମିଶାଇଲ ମ୍ୟାନ? ଜାଣିଲେ ଆଶ୍ଚର୍ଯ୍ୟ ହେବେ
'ମିସାଇଲ୍ ମ୍ୟାନ୍' ଭାବରେ ଜଣାଶୁଣା ଏପିଜେ ଅବଦୁଲ କଲାମଙ୍କୁ ଭାରତ ରତ୍ନ ପ୍ରଦାନ କରିବାକୁ ନିଷ୍ପତ୍ତି ନିଆଯାଇଥିଲା। ଏହାପୂର୍ବରୁ ୧୯୫୨ ମସିହାରେ, ସିଭି ରମଣଙ୍କ ବ୍ୟତୀତ ଅନ୍ୟ କୌଣସି ବୈଜ୍ଞାନିକ ଏହି ପୁରସ୍କାର ପାଇବାକୁ ଯୋଗ୍ୟ ବିବେଚିତ ହୋଇନଥିଲେ। ମାର୍ଚ୍ଚ ୧, ୧୯୯୮ ରେ, ରାଷ୍ଟ୍ରପତି ଭବନରେ ଭାରତ ରତ୍ନ ପୁରସ୍କାର ବିତରଣ ଉତ୍ସବରେ କଲାମ ବିବ୍ରତ ହୋଇ ତାଙ୍କ ନୀଳ ରଙ୍ଗର ଟାଇକୁ ବାରମ୍ବାର ଦେଖୁଥିଲେ। କଲାମ ଏପରି ଆନୁଷ୍ଠାନିକ ଉତ୍ସବରେ ବିରକ୍ତ ହେଉଥିଲେ ଯେଉଁ ଉତ୍ସବରେ ତାଙ୍କୁ ଏପରି ପୋଷାକ ପିନ୍ଧିବାକୁ ପଡୁଥିଲା l ସେ ନିଜକୁ ଏହି ପୋଷାକରେ ଆରାମଦାୟକ ଅନୁଭବ କରୁନଥିଲେ, ସେ କେବେ ବି ସୁଟ୍ ବୁଟ ପିନ୍ଧିବାକୁ ପସନ୍ଦ କରୁନଥିଲେ l ଏପରିକି ସେ ସବୁବେଳେ ଚମଡା ଜୋତା ବଦଳରେ କ୍ରୀଡା ଜୋତା ପିନ୍ଧିବାକୁ ପସନ୍ଦ କରୁଥିଲେ l କଲାମଙ୍କ ସହ ବାଜପେୟୀଙ୍କ ପ୍ରଥମ ସାକ୍ଷାତ ଅଗଷ୍ଟ ୧୯୮୦ ରେ ହୋଇଥିଲା ଯେତେବେଳେ ତତ୍କାଳୀନ ପ୍ରଧାନମନ୍ତ୍ରୀ ଇନ୍ଦିରା ଗାନ୍ଧୀ ତାଙ୍କୁ ଏବଂ ପ୍ରଫେସର ସତୀଶ ଧୱନଙ୍କୁ ଏସ.ଏଲ.ଭି୩ ର ସଫଳ ଉନ୍ମୋଚନ ପରେ ବିଶିଷ୍ଟ ସାଂସଦମାନଙ୍କୁ ଭେଟିବାକୁ ନିମନ୍ତ୍ରଣ କରିଥିଲେ। ଯେତେବେଳେ କଲାମ ଏହି ନିମନ୍ତ୍ରଣ ବିଷୟରେ ଜାଣିଲେ, ସେ ଭୟଭୀତ ହୋଇ ଧୱନଙ୍କୁ କହିଲେ, ସାର୍, ମୋର କୌଣସି ସୁଟ୍ କିମ୍ବା ଜୋତା ନାହିଁ |
ମୋ ପାଖରେ ଖାଲି ମୋର ଦୁଇଟି ଚେର୍ପୁ ଅଛି (ଚପଲର ତାମିଲ ଶବ୍ଦ ଚେର୍ପୁ ) l ତା’ପରେ ସତୀଶ ଧୱନ ହସିଲେ ଏବଂ ତାଙ୍କୁ କହିଲେ, 'କଲାମ, ତୁମେ ପ୍ରଥମରୁ ସଫଳତାର ସୁଟ ପିନ୍ଧି ସାରିଛ, ତେଣୁ ଆପଣ ଯେକୌଣସି ଅବସ୍ଥାରେ ସେଠାରେ ପହଞ୍ଚନ୍ତୁ l ଜଣାଶୁଣା ସାମ୍ବାଦିକ ରାଜ ଚେଙ୍ଗପ୍ପା ତାଙ୍କ ପୁସ୍ତକ 'ଅସ୍ତ୍ରଶସ୍ତ୍ର ଶାନ୍ତି' ରେ ଲେଖିଥିଲେ, ସେହି ସଭାରେ ଯେତେବେଳେ ଇନ୍ଦିରା ଗାନ୍ଧୀ ଅଟଳ ବିହାରୀ ବାଜପେୟୀଙ୍କ ସହ କଲାମଙ୍କୁ ପରିଚିତ କରାଇଥିଲେ, ସେତେବେଳେ ସେ ହାତ ମିଳାଇବା ପରିବର୍ତ୍ତେ କଲାମକୁ ଆଲିଙ୍ଗନ କରିଥିଲେ। ଏହା ଦେଖି ଇନ୍ଦିରା ଗାନ୍ଧୀ ମଜାକ କରି ହସିଥିଲେ ଏବଂ ବାଜପେୟୀଙ୍କ ଉପରେ ଏକ ଚୁଟକୀ ନେଇ କହିଥିଲେ, 'ଅଟଲଜୀ କଲାମ ତ ଜଣେ ମୁସଲମାନ' ତା’ପରେ ବାଜପେୟୀ ଉତ୍ତର ଦେଲେ, ହଁ, କିନ୍ତୁ ସେ ପ୍ରଥମେ ଜଣେ ଭାରତୀୟ ଏବଂ ଜଣେ ମହାନ ବୈଜ୍ଞାନିକ l
ଯେତେବେଳେ ବାଜପେୟୀ ୧୮ ଦିନ ପରେ ଦ୍ୱିତୀୟ ଥର ପାଇଁ ପ୍ରଧାନମନ୍ତ୍ରୀ ହୋଇଥିଲେ, ସେତେବେଳେ ସେ କଲାମଙ୍କୁ ତାଙ୍କ କ୍ୟାବିନେଟରେ ଯୋଗଦେବାକୁ ନିମନ୍ତ୍ରଣ କରିଥିଲେ। ଯଦି କଲାମ ଏଥିରେ ରାଜି ହୋଇଥାନ୍ତେ, ତେବେ ବାଜପେୟୀ କେବଳ ଜଣେ ଦକ୍ଷ ମନ୍ତ୍ରୀ ପାଇ ନଥାନ୍ତେ ବରଂ ସେ ଭାରତର ମୁସଲମାନମାନଙ୍କୁ ଏକ ବାର୍ତ୍ତା ପଠାଇଥାନ୍ତେ ଯେ ସେମାନଙ୍କୁ କେବେ ବିଜେପି ସରକାରରେ ଅବହେଳା କରାଯିବ ନାହିଁ | କଲାମ ଏହି ପ୍ରସ୍ତାବ ଉପରେ ପୁରା ଦିନ ଚିନ୍ତା କରିଥିଲେ l ପରଦିନ ସେ ବାଜପେୟୀଙ୍କୁ ଭେଟି ଭଦ୍ର ଭାବରେ ଏହି ପଦବୀକୁ ପ୍ରତ୍ୟାଖ୍ୟାନ କରିଥିଲେ। ସେ କହିଥିଲେ ଯେ 'ପ୍ରତିରକ୍ଷା ଅନୁସନ୍ଧାନ ଏବଂ ଆଣବିକ ପରୀକ୍ଷଣ କାର୍ଯ୍ୟକ୍ରମ ଶେଷ ପର୍ଯ୍ୟାୟରେ ପହଞ୍ଚିଲାଣି, ସେମାନେ ସେତେବେଳର ଦାଇତ୍ୱ ପୂରଣ କରି ଦେଶର ଏକ ଉନ୍ନତ ସେବା କରିପାରିବେ l ଦୁଇ ମାସ ପରେ, ପୋଖରାନରେ ଆଣବିକ ବିସ୍ଫୋରଣ ପରେ କଲାମ କାହିଁକି ଏହି ପଦବୀ ଗ୍ରହଣ କରିନଥିଲେ ତାହା ସ୍ପଷ୍ଟ ହୋଇଥିଲା।
ଜୁନ୍ ୧୦, ୨୦୦୨ ରେ, ଏପିଜେ ଅବଦୁଲ କଲାମ ଆନ୍ନା ବିଶ୍ୱବିଦ୍ୟାଳୟର କୁଳପତି ଡକ୍ଟର କାଲାନିଧିଙ୍କଠାରୁ ଏକ ବାର୍ତ୍ତା ଗ୍ରହଣ କରିଥିଲେ ଯେ ପ୍ରଧାନମନ୍ତ୍ରୀଙ୍କ କାର୍ଯ୍ୟାଳୟ ଆପଣଙ୍କ ସହ ସମ୍ପର୍କ ସ୍ଥାପନ କରିବାକୁ ଚାଁହୁଛନ୍ତି । ସେଥିପାଇଁ ଆପଣଙ୍କୁ ତୁରନ୍ତ କୁଳପତିଙ୍କ କାର୍ଯ୍ୟାଳୟକୁ ଯିବା ଉଚିତ ଯାହା ଦ୍ୱାରା ଆପଣ ପ୍ରଧାନମନ୍ତ୍ରୀଙ୍କ ସହ କଥା ହୋଇପାରିବ। ସେ ପ୍ରଧାନମନ୍ତ୍ରୀଙ୍କ କାର୍ଯ୍ୟାଳୟରେ ଉପସ୍ଥିତ ମାତ୍ରେ ବାଜପେୟୀ ଫୋନ କଲ ଦ୍ୱାରା ତାଙ୍କ ସହ କଥା ହୋଇ କହିଥିଲେ, 'କଲାମ ସାହେବ, ଦେଶ ଆପଣଙ୍କୁ ରାଷ୍ଟ୍ରପତି ଭାବରେ ଆବଶ୍ୟକ କରେ l
'କଲାମ ବାଜପେୟୀଙ୍କୁ ଧନ୍ୟବାଦ ଜଣାଇ କହିଥିଲେ ଯେ ଏହି ଅଫରକୁ ବିଚାର କରିବା ପାଇଁ ତାଙ୍କୁ ଏକ ଘଣ୍ଟା ସମୟ ଦରକାର ଏହାପରେ ବାଜପେୟୀ କହିଥିଲେ, ତୁମେ ନିଶ୍ଚୟ ସମୟ ନିଅ, କିନ୍ତୁ ମୁଁ ତୁମଠାରୁ ହଁ ଚାହୁଁଛି ନା ନୁହେଁ। ସନ୍ଧ୍ୟା ସୁଦ୍ଧା ଏନଡିଏ ସଂଯୋଜକ ଜର୍ଜ ଫର୍ଣ୍ଣାଣ୍ଡିସ୍, ସଂସଦୀୟ ବ୍ୟାପାର ମନ୍ତ୍ରୀ ପ୍ରମୋଦ ମହାଜନ, ଆନ୍ଧ୍ରପ୍ରଦେଶ ମୁଖ୍ୟମନ୍ତ୍ରୀ ଚନ୍ଦ୍ରବାବୁ ନାଇଡୁ ଏବଂ ଉତ୍ତରପ୍ରଦେଶ ମୁଖ୍ୟମନ୍ତ୍ରୀ ମାୟାବତୀ ମିଳିତ ସାମ୍ବାଦିକ ସମ୍ମିଳନୀ କରି କଲାମଙ୍କ ପ୍ରାର୍ଥୀ ଘୋଷଣା କରାଯାଇଥିଲା। ଡକ୍ଟର କଲାମ ଦିଲ୍ଲୀରେ ପହଞ୍ଚିବା ପରେ ତାଙ୍କୁ ବିମାନବନ୍ଦରରେ ପ୍ରତିରକ୍ଷା ମନ୍ତ୍ରୀ ଜର୍ଜ ଫର୍ଣ୍ଣାଣ୍ଡିସ୍ ତାଙ୍କର ସ୍ୱାଗତ କରିଥିଲେ।