ମହାମାରୀର ଆଉ ଏକ ନୂଆ ଭାରିଆଣ୍ଟ ଖୁବଶୀଘ୍ର

ଆସୁଛି ଆଉ କୋଭିଡର ଏକ ଲହର । ସତର୍କ କରାଇଲେ ବୈଜ୍ଞାନିକ । ମାସ୍କ ପିନ୍ଧିବା ପାଇଁ ଆସିଲା ଚେତାବନୀ ।
କୋଭିଡ-୧୯ ଭୂତାଣୁ ଓମିକ୍ରନର ସବ୍ ଭାରିଏଣ୍ଟ ଏକ୍ସବିବିକୁ ନେଇ ଏବେ ଦେଖା ଦେଇଛି ଭୟ । ସଂକ୍ରମଣ ଦ୍ରୁତ ଗତିରେ ବ୍ୟାପୁଥିବା ବେଳେ, ଏହାକୁ ନେଇ ବିଶ୍ୱସ୍ୱାସ୍ଥ୍ୟ ସଙ୍ଗଠନଙ୍କ ମୁଖ୍ୟ ବୈଜ୍ଞାନିକ ସୌମ୍ୟା ସ୍ୱାମୀନାଥନ ଚେତାବନୀ ଦେଇ ଛନ୍ତି । କିଛି ଦେଶରେ ଓମିକ୍ରନର ଏକ୍ସବିବି ସବ ଭାରିଏଣ୍ଟ ସଂକ୍ରମଣ ଯୋଗୁ କୋଭିଡ ସଂକ୍ରମଣର ଆଉ ଏକ ଲହର ଦେଖାଯାଇପାରେ ବୋଲି କହିଛନ୍ତି । ଏହି ସମୟରେ, ୱାଶିଂଟନ୍ ବିଶ୍ୱବିଦ୍ୟାଳୟ ଏକ ବିଶ୍ଳେଷଣରେ କହିଛି ଯେ କୋଭିଡ ସଂକ୍ରମଣ ପାଇଁ ଦୈନିକ ସଂଖ୍ୟା ଫେବୃଆରୀ ସୁଦ୍ଧା ଧୀରେ ଧୀରେ ପ୍ରାୟ ୧୮.୭ ନିୟୁତକୁ ବୃଦ୍ଧି ପାଇବ ବୋଲି ଆକଳନ କରାଯାଇଛି। ଯାହା ବର୍ତ୍ତମାନ ୧୬.୭ ନିୟୁତରେ ଅଛି । ଏହି ରିପୋର୍ଟ ଆସିବା ପରେ ସାରା ବିଶ୍ୱରେ ପୁଣି ଥରେ କରୋନା ମାମଲା ବଢି ପାରେ ବୋଲି ଆଶଙ୍କା କରାଯାଉଛି।

ଶୀତଦିନେ ସତର୍କ ହେବା ଆବଶ୍ୟକ : ରିପୋର୍ଟ ଅନୁଯାୟୀ, ଏହି ନୂତନ ଆନୁମାନିକ ହାରାହାରି ପୂର୍ବ ଶୀତ ତୁଳନାରେ କମ୍ ଅଟେ। ଜାନୁଆରୀ ୨୦୨୨ ରେ ଓମିକ୍ରନ୍ ଭାରିଆଣ୍ଟର ଶୀଘ୍ର ବିସ୍ତାର ହେବା ପରେ ଅବସ୍ଥା ଆହୁରି ଖରାପ ହୋଇଗଲା କିନ୍ତୁ ଏହା ସାଂଘାତିକ ପ୍ରମାଣିତ ହେଲା ନାହିଁ । ଏହା ଏକ ଆରାମଦାୟକ ବିଷୟ ଯେ ଏହି ରିପୋର୍ଟ ସହିତ ୱାଶିଂଟନ୍ ବିଶ୍ୱବିଦ୍ୟାଳୟର ଇନଷ୍ଟିଚ୍ୟୁଟ୍ ଫର୍ ହେଲଥ୍ ମେଟ୍ରିକ୍ସ ଆଣ୍ଡ ଏଭାଲ୍ୟୁଏସନ୍ (IHME) ମଧ୍ୟ କହିଛି ଯେ ମାମଲା ବୃଦ୍ଧି ହେତୁ ମୃତ୍ୟୁ ବଢିବ ନାହିଁ।

ଭୂତାଣୁର ଏହି ପ୍ରକାର ଇମ୍ୟୁନେ ସିଷ୍ଟମରୁ ବର୍ତ୍ତିବାର କ୍ଷମତା ରଖୁଛି । ଏହାର ଅର୍ଥ ହେଉଛି ଏହି ସଂକ୍ରମଣ ଉପରେ ଆଣ୍ଟିବଡିର ମଧ୍ୟ କୌଣସି ଅସର ପଡୁ ନାହିଁ ବୋଲି ଡବ୍ଲୁଏଚଓ ମୁଖ୍ୟ ବୈଜ୍ଞାନିକ କହିଛନ୍ତି । ଏଣୁ ଧିରେ ଧିରେ ଏକ୍ସବିବି ଯୋଗୁ କିଛି ଦେଶରେ ସଂକ୍ରମଣର ନୂଆ ଲହର ଆସିପାରେ ବୋଲି ବୈଜ୍ଞାନିକ କହିଛନ୍ତି । ଏକ୍ସବିବି ଅଧିକ ସଂକ୍ରାମକ, ଏଣୁ ମୁକାବିଲା ଲାଗି ଡା.ସ୍ୱାମୀନାଥନ ଦେଖରେଖ ଉପରେ ଗୁରୁତ୍ୱ ଦେଇଥିବା ବେଳେ ମାସ୍କ ପିନ୍ଧିବା ଜାରି ରଖିବା ପାଇଁ କହିଛନ୍ତି ।