ବିଜୁ ପଟ୍ଟନାୟକ ଜେଲ ଯାଇଥିବା ବେଳେ ସାଇକେଲ ଚଳାଇ କଣ ପାଇଁ ବୁଲୁଥିଲେ ପତ୍ନୀ ? କିଭଳି ଥିଲା ଘର ପରିସ୍ଥିତି ?

ପଲ୍ଲୀରୁ ଦିଲ୍ଲୀ କିଏ ବା ତାଙ୍କୁ ନ ଜାଣେ। ଜଣେ ଦକ୍ଷ ପାଇଲଟ୍,ଓଡ଼ିଶାର ଜନନାୟକ ଓ ଇଣ୍ଡୋନେସିଆର ଭୂମିପୁତ୍ର ନାମରେ ସେ ପରିଚିତ। କେବଳ ସେତିକି ନୁହେଁ ଦେଶର ସ୍ୱାଧୀନତା ପଛରେ ବିଜୁ ଓ ତାଙ୍କ ପରିବାର କେତେ ଯେ ଅବଦାନ ରହିଛି ତାହା କୌଣସି ସଂଘର୍ଷଠାରୁ କମ୍ ନୁହେଁ। ସୂଚନାଯୋଗ୍ୟ ଯେ ୧୯୪୩ ମସିହାରେ ଦେଶଦ୍ରୋହ ମାମଲାରେ ଗୋରା ସିପାହୀମାନେ ଯେଉଁମାନେ କି ଏକଦା ବିଜୁଙ୍କ ସହ ବିମାନରେ କାର୍ଯ୍ୟ କରୁଥିଲେ ସେମାନେ ବିଜୁଙ୍କୁ ଗିରଫ କରିବାକୁ ଆସିଥିଲେ। ତାଙ୍କ ନାମରେ ଏହି ଅଭିଯୋଗ ଥିଲା ଯେ ବିଜୁ ପଟ୍ଟନାୟକ ବ୍ରିଟିଶ୍ ବାୟୁସେନାରେ କାର୍ଯ୍ୟରତ ଥାଇ ଦେଶରେ ଥିବା ସଂଗ୍ରାମୀଙ୍କୁ ଗୁପ୍ତରେ ସହାୟତା କରୁଥିଲେ।

ଗୋଟିଏ ସ୍ଥାନରୁ ଅନ୍ୟ ଏକ ସ୍ଥାନକୁ ଯିବାପାଇଁ ବିମାନର ସାହାଯ୍ୟ ଯୋଗାଉଥିଲେ ଏବଂ ସେମାନଙ୍କ ବାର୍ତାବହ ସାଜୁଥିଲେ। ତେଣୁ ଏହି ସବୁକୁ ଭିତ୍ତିକରି ଗୋରା ସିପାହୀମାନେ ବିଜୁଙ୍କୁ ଗିରଫ କରିବା ପାଇଁ ତାଙ୍କ ଘରେ ପହଂଚି ଥିଲେ। ଏହି ସମୟରେ ନିଜ ଘରେ ଥିବା ବନ୍ଧୁକକୁ ଲୁଚାଇବା ପାଇଁ ସ୍ତ୍ରୀ ଜ୍ଞାନ ପଟ୍ଟନାୟକଙ୍କୁ କହିଥିଲେ ବିଜୁବାବୁ। ଏହାପରେ ଆରମ୍ଭ ହୁଏ ଶ୍ରୀମତୀ ଜ୍ଞାନଙ୍କ ସଂଗ୍ରାମ। ନିଜର ଶିଶୁ କନ୍ୟା ଗୀତା ଓ ପୁତ୍ର ପ୍ରେମଙ୍କୁ ଧରି ସାଇକେଲରେ ଜେଲରୁ ଜେଲ ବୁଲନ୍ତି ଜ୍ଞାନ ପଟ୍ଟନାୟକ।ପ୍ରତିଦିନ ବଦଳୁଥିଲା ବିଜୁଙ୍କ ଜେଲ ଠିକଣା।ଲାଲକିଲ୍ଲାରୁ ଫିରୋଜପୁର ଦୁର୍ଗ। ଏତେ ସଙ୍ଘର୍ଷ ପରେ ଜେଲରେ ବିଜୁଙ୍କୁ ଭେଟନ୍ତି ଜ୍ଞାନ।ଅନ୍ୟପକ୍ଷରେ ବିଜୁବାବୁ ଜ୍ଞାନଙ୍କୁ ମାଧ୍ୟମ କରି ସ୍ୱାଧୀନତା ସଂଗ୍ରାମୀଙ୍କ ସହ ଯୋଗାଯୋଗ କରନ୍ତି।

ଏଥିପାଇଁ ଜ୍ଞାନଙ୍କୁ ଅନେକ ସମସ୍ୟାର ସମ୍ମୁକ୍ଷୀନ ହେବାକୁ ପଡେ।ପ୍ରତିଥର ନିଜ ପୁଅ ପ୍ରେମଙ୍କ ଜୋତାତଳେ ସନ୍ଦେଶ ଲୁଚାଇ ସଂଗ୍ରାମୀଙ୍କ ତଥ୍ୟ ଆଣୁଥିଲେ ଜ୍ଞାନ।ତେବେ ୧୯୪୬ ମସିହାରେ ବିଜୁ ଜେଲରୁ ମୁକୁଳିଥିଲେ। ଏ ସବୁ ଥିଲା ଦେଶର ସ୍ୱାଧୀନତା ପାଇଁ ବିଜୁପରିବାରର ଅବଦାନ।ଏକ ଇଂରାଜୀ ପତ୍ରିକାରେ ସଖାତ୍କାର ସମୟରେ ଗୀତା ମେହେଟା ନିଜ ପିତାଙ୍କ ବନ୍ଦୀ ଜୀବନ ବିଷୟରେ ଆଲୋକପାତ କରିଥିଲେ।