ଭାରତରେ ୨ଟି ବୋମା ବିସ୍ଫୋରଣ ହେଲେ ପାକିସ୍ତାନରେ ୨୦ ଫୁଟିବ
hemanta biswasarma

ଗୁଜରାଟ ନିର୍ବାଚନକୁ ନେଇ ବିଜେପି , କଂଗ୍ରେସ, ଆପ ମଧ୍ୟରେ ଚାଲିଛି କଡା ପ୍ରତିଯୋଗିତା । ୨୭ ବର୍ଷ ଧରି ଗୁଜରାଟରେ ଶାସନ କରୁଛି ବିଜେପି ।  ୨୭ ବର୍ଷ ଧରି ଗୁଜରାଟରେ ଶାସନ କରୁଛି ବିଜେପି । ଗତ ନିର୍ବାଚନ ଭଳି ଏଥର ମଧ୍ୟ ସରକାର ବିରୋଧୀ ଲହର କିଛି ମାତ୍ରାରେ ରହିଥିବା ରାଜନୀତି ବିଶ୍ଲେଷକମାନେ ଆଶଙ୍କା କରୁଛନ୍ତି । ତେବେ ସବୁଠୁ ବଡ଼ ପ୍ରଶ୍ନ ହେଉଛି ଯଦି ଏଥର ମ୍ୟାଜିକ ସଂଖ୍ୟାଠାରୁ କିଛି କମ ଆସନ ବିଜେପି ପାଏ ତେବେ କଣ ରଣନୀତି କରିବ? 

ସେପଟେ ଗୁଜରାଟ ନିର୍ବାଚନର ପ୍ରଚାର କରିବା ପାଇଁ ଆସାମ ମୁଖ୍ୟମନ୍ତ୍ରୀ ହିମନ୍ତ ବିଶ୍ୱଶର୍ମା ଅହମ୍ମଦାବାଦର ନାରୋଦା ଏବଂ ଦରିଆପୁର ଅଞ୍ଚଳରେ ପହଞ୍ଚିଥିଲେ। ସେଠାରେ ସେ କହିଛନ୍ତି ଯେ “ନରେନ୍ଦ୍ର ମୋଦୀ ପ୍ରଧାନମନ୍ତ୍ରୀ ହେବା ପରଠାରୁ, ପାକିସ୍ତାନ ଜାଣେ ଯେ ଯଦି ସେମାନେ ଭାରତରେ ୨ଟି ବୋମା ବିସ୍ଫୋରଣ କରିବେ ତେବେ ପାକିସ୍ତାନରେ ୨୦ଟି ବୋମା ବିସ୍ଫୋରଣ ହେବ”।

ଅର୍ଥାତ ପାକିସ୍ତାନ ଯଦି ୨ଟି ଆକ୍ରମଣ କରିବ ତେବେ ଭାରତ ଏହାର ୧୦ ଗୁଣ ଜବାବ ଦେବ । ଦିଲ୍ଲୀରେ ଶ୍ରଦ୍ଧା ହତ୍ୟା ମାମଲାକୁ ଦର୍ଶାଇ ମୁଖ୍ୟମନ୍ତ୍ରୀ ହିମନ୍ତ ବିଶ୍ୱଶର୍ମା କହିଛନ୍ତି ଯେ ଦେଶରେ ଲଭ ଜିହାଦକୁ ବିରୋଧ କରିବା ପାଇଁ ସମଗ୍ର ଦେଶରେ ସମାନ ଆଇନ ଲାଗୁ କରିବାର ଆବଶ୍ୟକତା ରହିଛି। ସେ କହିଛନ୍ତି ଯେ ଆଜି ଭାରତରେ ଏକ ବର୍ଗ ଅଛନ୍ତି ଯେଉଁମାନଙ୍କୁ ଅନେକଙ୍କୁ ବିବାହ କରିବାର ସ୍ୱାଧୀନତା ଅଛି । କିଛି ଦିନ ପରେ ଅନ୍ୟକୁ ବିବାହ କରିବା ପରେ, କିଛି ଦିନ ପରେ ତୃତୀୟକୁ ବିବାହ କରିବା ପରେ ବି ଯଦି ସେମାନେ ତଲାକ ଦେଇଚାଲିବେ ତେବେ ଚତୁର୍ଥ, ପଞ୍ଚମ, ଯେତେଜଣଙ୍କୁ ଚାହିଁବେ ସେତେଜଣଙ୍କୁ ବିବାହ କରିପାରିବେ’ ।

ମୁଖ୍ୟମନ୍ତ୍ରୀ ହିମନ୍ତ ବିଶ୍ୱଶର୍ମା କହିଛନ୍ତି ଯେ ଏହା ଆମ ଦେଶରେ ହୋଇପାରେ କି? ସେ କହିଛନ୍ତି ଯେ ଏହି ଦେଶରେ ୟୁନିଫର୍ମ ସିଭିଲ କୋଡର ଆବଶ୍ୟକତା ରହିଛି। ସେ ଏହା ମଧ୍ୟ କହିଛନ୍ତି ଯେ କେବଳ ବିଜେପି ଏହି କାମ କରିପାରିବ। ସେ କହିଛନ୍ତି ଯେ କେବଳ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ମହିଳା ସଶକ୍ତିକରଣ କାର୍ଯ୍ୟ କରିପାରିବେ, ତେଣୁ ଆମକୁ ମୋଦୀଙ୍କୁ ଶକ୍ତି ଦେବାକୁ ପଡିବ।

Share this story