ଅଭାବ ସାଜିବ ନାହିଁ ବାଧକ, ସାଥିରେ ଅଛନ୍ତି ନବୀନ

ଭୁବନେଶ୍ବର ୨୬ / ୧୧ : ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଶୁକ୍ରବାର ଦିନ ବଲାଙ୍ଗୀରର ଜଣେ ଯୋଗ୍ୟ ଛାତ୍ର ତରାଚାନ୍ ରାଣାଙ୍କ ପାଇଁ ସହାୟତା ଘୋଷଣା କରିଛନ୍ତି। ତାରାଚାନଙ୍କ ସ୍ବପ୍ନ ପୂରଣ ପାଇଁ ଏନଆଇଟି, ୱାରଙ୍ଗାଲରେ ଆଡମିଶନର ୯୬,୫୦୦ ଟଙ୍କା ମଞ୍ଜୁର କରିଛନ୍ତି ମୁଖ୍ୟମନ୍ତ୍ରୀ ଏବଂ ତାଙ୍କ ଭବିଷ୍ୟତ ଉପରେ ଛାଇ ପକାଇଥିବା ପାଣ୍ଠିର ଅଭାବକୁ ନେଇ ତାଙ୍କୁ ସାହାଯ୍ୟ କରିଛନ୍ତି। ତରଚନଙ୍କ ସ୍ବପ୍ନର ଡେଣାରେ ବଳ ଦେଲେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଇଞ୍ଜିନିୟରିଂ ପଢିବା ସ୍ବପ୍ନକୁ ସାକାର କରିବାରେ ସହଯୋଗ କରିଛନ୍ତି ନବୀନ । 

ବଲାଙ୍ଗୀର ବଙ୍ଗମୁଣ୍ଡା ତହସିଲର ଜଣେ ପ୍ରତିଭାବାନ ଛାତ୍ର ତାରାଚାନ ରଣା । ଇଞ୍ଜିନିୟରିଂ ପଢିବା ଥିଲା ତାଙ୍କର ସ୍ବପ୍ନ । ଆଉ ତାଙ୍କର ଏହି ସ୍ବପ୍ନକୁ ପୂରଣ କରିଛନ୍ତି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ । ଅର୍ଥ ଅଭାବରୁ ତାରାଚାନ ଆଡମିଶନ ପ୍ରକ୍ରିୟାରେ ବାଧା ସୃଷ୍ଟି ହେଉଥିବା ସଂପର୍କରେ ମୁଖ୍ୟମନ୍ତ୍ରୀ ଜାଣିବାକୁ ପାଇଥିଲେ । ଆଉ ତାଙ୍କ ପାଇଁ ୯୬ ହଜାର ୫୦୦ ଟଙ୍କା ମଞ୍ଜୁର କରିଛନ୍ତି । ବଲାଙ୍ଗୀର ଜିଲ୍ଲାର ସିନ୍ଧେକେଲା ବଡପଡା ଗାଁର ପ୍ରତିଭାବାନ ଛାତ୍ର ହେଉଛନ୍ତି ତାରାଚାନ ରଣା । ବାପା ଉପସୁ ରଣାଙ୍କ ବାର୍ଷିକ ରୋଜଗାର ମାତ୍ର ୪୫ ହଜାର ଟଙ୍କା । ତଥାପି ନିଜର ସ୍ବପ୍ନ ପୂରଣ କରିବା ପାଇଁ ତାରାଚାନ ଅବିରତ ଉଦ୍ୟମ କରି ଚାଲିଥିଲେ ।ଚଳିତ ବର୍ଷ ଇଞ୍ଜିନିୟରିଂ ପାଇଁ ପ୍ରବେଶିକା ପରୀକ୍ଷା Joint Entrance Examination (JEE) Main ରେ ୯୯.୩୫ ପ୍ରତିଶତ ମାର୍କ ରଖି ତେଲେଙ୍ଗାନା ୱାରଙ୍ଗଲ ରେ ଅବସ୍ଥିତ (National Institutes of Technology Warangal) ରେ ପଢିବା ପାଇଁ କୃତକାର୍ଯ୍ୟ ହୋଇଛନ୍ତି । କିନ୍ତୁ ଏଥିରେ ଅର୍ଥ ସାଜିଥିଲା ମୁଖ୍ୟ ବାଧକ । ତାଙ୍କର ଆଡମିଶନ ପାଇଁ ଆବଶ୍ୟକ ଅର୍ଥ ନଥିଲା । କଷ୍ଟେମଷ୍ଟେ ସେ ଅଳ୍ପ କିଛି ଟଙ୍କା ସଂଗ୍ରହ କରି ଆଡମିଶନ ପାଇଁ ସ୍ଥାନ ସୁରକ୍ଷିତ ରଖିପାରିଥିଲେ । ବାକି ଅର୍ଥ ପ୍ରଦାନ ପାଇଁ ସେ ମୁଖ୍ୟମନ୍ତ୍ରୀଙ୍କୁ ଅନୁରୋଧ କରିଥିଲେ ।ଏହା ଜାଣିବା ପରେ ମୁଖ୍ୟମନ୍ତ୍ରୀ ତୁରନ୍ତ ତାଙ୍କର ଆଡମିଶନ ପ୍ରକ୍ରିୟା (Admission Process) ପୂରଣ କରିବା ପାଇଁ ୯୬ ହଜାର ୫୦୦ ଟଙ୍କା ମଞ୍ଜୁର କରିଛନ୍ତି । ଏହାଦ୍ବାରା ତାଙ୍କର ଆଡମିଶନ ପ୍ରକ୍ରିୟା ସଂପୂର୍ଣ୍ଣ ହୋଇପାରିବ । ଟଙ୍କା ମଞ୍ଜୁର କରିବା ସହିତ ମୁଖ୍ୟମନ୍ତ୍ରୀ ତାରାଚାନ ଏହି ସଫଳତା ପାଇଁ ଅଭିନନ୍ଦନ ଜଣାଇଛନ୍ତି । ଏହା ସହ ଉଜ୍ଜଳ ଭବିଷ୍ୟତ କାମନା କରିଛନ୍ତି ।